MizoCafe.com

Mara tan MCS seat reservation siam atul - Lalduhoma

cafer — Fri, 02 May 2008 15:07:30 +0000

Saiha, May 2 - Nimin khan ZNP Gen. Hqrs president Pu Lalduhoma chuan Saiha a rawn tlawh a, Circuit ah chanchinbumite a kawm bawk.Saiha chanchinbumite chuan kum engemawzat Mara fate MCS post ah kan lut thei tawh lova, i sorkar hunah Mara tan bik seat reservation i siam thei ang em? tia zawhna chhangin Pu Duhoma chuan,hei hi ka vawikhat hriatna a ni a,chuti ani si chuan Mara fate tan MCS post seat reservation siam a tul ka ti hle,kan sorkar chuan kan siam ang,a ti.

Pu Duhoma chuan Zo hnahthlak hlawm lian deuh deuh 11 zingah Zo hnahtlak te zinga mi Mara hi hnam huaisen leh thuawih hnam in ni a,Pipute hla humhalh tha ber in ni bawk,a ti.Pu Duha chuan, tun thleng hian MLA dangte chuan dawt TA/DA bill an la chhunzawm reng a,dan siamthat anih hma chu ka la tawh lovang ka ti ve thung a,ka laksa pawh ka kir tawh a ni,a ti.

Aizawl a rorelna a inthlak veleh District Council nghing lawih zel hi a zahthlak a,hemi kawngah MADC hruaitu ni mekte hi an fakawm a ni,a ti.

A sawi zelnaah Pu Duha chuan, Varparh Arsi a tla ang a,ni a chhuak dawn ta,chu chu ZNP symbol ngei hi a ni,kan sorkar hunah chuan kalphung thar hlir a ni tawh ang,ZNP sorkar hnuaiah Minister emaw Officer eiru thinte chuan an eiru chhunzawm zel thei tho,an duh tlat a lawm,mahse corrupt lova hna thawhtir dan kan siam mai dawn a, a fel vek mai ang,a ti.

Source: Moonlight Newspaper, Saiha/Siaha.

Thingsen khaw hlui-ah lu bung mitthi ruang chhar a ni!

cafer — Sat, 26 Apr 2008 21:32:39 +0000

Saiha, Apr, 19 : Thingsen khaw hlui a mitthi ruang lu bung chhar chu nimin khan Saiha Civil Hospital-ah post mortem hnuin Thingsen thlanmualah phum a ni.17.4.08 khan Pu Jerusalem Thingsen ram kal chawhmeh zawng chuan mitthi ruang a hmu a, zanah police leh MTP General Hqrs lam ten an hriat veleh a hmuna kal turin an inbuatsaih a.

Mahse Thingsen atangin aruang hi ram pilril kawng mumal pawh awm lohna a awm anih avangin an let leh a..Nimin 18.4.08 khan Thingsen MTP, Police leh MTP Gen.Hqrs, Magistrate leh Doctor te nen a hmunah kalin a ruang hi a va la ta a ni. Post mortem zawh anih hnuin Thingsen thlanmualah phum a ni.

Aruang atang ringawt hi chuan mi/hmeichhia tih hriat a harsa hle a,mahse mipa ngei nia rin a ni.A ruang hi Thingsen khua atangin Km 4 vel a hla-ah hmuh a,a lu hi ramsa in a pu bo nia rin a ni. A chhan chu aruang mutna zawnah hian sam 3 inch.vel a sen a awm a,mt 10 vela hla ah tlem azawng a awm leh a,a nghawng ruh hi a maw ih chhe vek a,ramsa putbo a ang ber a ni.

A mutna mawngtam zawnah Jean them tlem a awm a, thawmhnaw dang hi chu ran sa in a pubo vek niin a lang.Tin, aruang zawng a thingkung sang deuh rak zarah kekawr thingzara insuih a awm bawk a, a ipte chhungah biri a awm bawk. Kekawr hi a pawl lam thler deuh vek a ni.A duh chuan Saiha Police Station ah enfiah theih a ni.

MTP General Hqrs chuan he ruang lakna a tha leh zung senga buaipuitu zawng zawng leh a bik takin Thingsen MTP chungah lawmthu an sawi tih thuchhuah an siam.

Source: Moonlight Newspaper, Siaha - Saiha.

Zu chhe avangin tlangval 3 an thi

cafer — Fri, 18 Apr 2008 15:11:27 +0000

TUIPANG - Ni 17 April 2008 zan khan Zawngling khuaa tlangval 10 vel chuan zu an in a.An zu lo in hi zu chhia a nih avangin a hmunah mi 2 an thi nghal a.A dang 8 te chu Tuipang PHC panpui an nih hnuah Saiha Civil Hospital an panpui a.Saiha thlen hma in 1 a thih belh bawk.

Zu chhe in chungchangah hian Tuipang Police te chuan Zawngling an pan nghal a.Tunah hian thil awm dan zir chian a chhui mek a ni.

Contributed by Lalengmawia Vantawl.

Mizoram Civil Service Exam result tihchhuah a ni

cafer — Thu, 13 Mar 2008 18:56:06 +0000

Saiha, Mar,14 : Mizoram Civil Service, Exam result nimin tlaia tihchhuahah mi 15 an tling a, Pinky Zosangpuii, Pu ZS Zuala Mission veng ami fanu chu pakhatna ni a, amah hi ZONET-a Saptawnga chanchin thar chhiartu a ni. Mizoram Public Service Commission-in MCS post ruak 15 hnawhkhat tura Exam a buatsaiha tling dang-te chu,

Marlyn Rualzakhumthangi, Pu V Vanthawnga, Lawngtlai College Veng ami fanu,
Robert C. Lalhmangaiha Pu C.malsawmtluanga (Late) Chanmari West ami fapa,
Paul L Khuma Pu Herman S. Khuma Tuikual B ami fapa,
Saizikpuii Pu P Lallawmzuala Lunglei Chanmari-I ami fanu,
R Vanrengpuia, Pu R Zopianga Lunglei Zobawk Vengthar ami fapa,
Malsawmtluanga Pu S Rualkhuma Chaltlang Lily Veng ami fapa,

K Laltlawmlova Pu K Riachho Chawnpui Veng ami fapa,
Mark Lalthanliana Pu Lalthangliana Mission Veng ami fapa,
Lalrohlua Pu C Lalramliana Venghnuai ami fapa,
Henry C Lalrawnkima Rev C Rosiama Mission Veng ami fapa,
Lalmuansanga Ralte Pu Vanlalmuana Ralte (Late) Zarkawt ami fapa,
Lalhmansanga Pu Zadingluaia Khiangte, Kawrtethawveng ami fapa,
R Lalmalsawma Pu Rualchhinga, Champhai Venglai ami fapa leh
Lalnundika Pu T Khumtira, Ramhlun North Basic Mual ami fapa-te an ni a;

an ni bakah hian Panel-ah mi 5 dah an ni a, chungte chu,
Margaret Lalrinawmi Fanai Pu F.H Hranghnuna Tuithiang Veng ami fanu,
PC Lalchhandama Pu PC Zorema, Bawngkawn Chhim Veng ami fapa,
Remlalmuana Pu C.Lianmawia, Nursery Veng ami fapa,
Malsawmsanga Pu HC Zamhaia Zonuam ami fapa leh
Lalbiakchama Pu C.Lalbelhliana, Thinghsulthliah ami fapa-te an ni.

Tun tuma MCS Exam-ah hian Exam 953 an awm a, an zinga mi 37 chu interview tura koh an ni a, mi 15 lak an nih bakah, midang 5 chu panel-a.

Source: Moonlightonline.net

Mizo Gospel Music Video - C. Lalhmingmawii - Aigupta Sabel

cafer — Fri, 07 Mar 2008 01:38:48 +0000

Hlasatu: C. Lalhmingmawii
Title: Aigupta Sabel
Occasion: Mizoram Presbyterian Youth Fellowship, General Conference 2008

Thanks to Samuelpa at Youtube.

Mizo Gospel Music Video - Gracy V.L. Pachuau - Via Dolorosa

cafer — Fri, 07 Mar 2008 01:34:14 +0000

Gracy V.L Pachuau - Via Dolorosa (Latin for “Way of Grief” or “Way of Suffering”)

Singer: Gracy V.L Pachuau
Title: Via Dolorosa

Chin National Day EU ah Zo hnathlak ten hmang

cafer — Thu, 06 Mar 2008 20:46:33 +0000

Tunlai a Europe khawmualpui a Zo hnathlakte in a an hman thiau Chin National Day chuan mi in an ngaihven hla. A bik takin Daduhi leh a pasal duet te chuan boruak a siam leh zual.

Chin National Day chu February 20 kha a ni.

Lelte.net in kimchang takin article ngaihnawm tak a post hlawm a. I tlawh ve dawn a ni a.

Lelte website pawh cms a let in chhiar a nuam in comment te pawh a pek thei zel tawh e.

Lelte.net ah chhiar zawm rawh : click here

Source: Lelte.net

Zosapthara Mini-hydel project for Mara ram Western Belt

cafer — Thu, 06 Mar 2008 20:30:31 +0000

Saiha, March 6 - Missionary Zosapthara (E.Roland) vahvaihna hmun pakhat Kaisih (Kiasi tih a ko Mara tawngin) ah chuan amah hriatreng nan Mini hydel project Presbyterian kohhran chuan siam a tum tih Moonlight Newspaper in a tarlang.

“He project atanga electric pekchhuah tur hian Mara ram Western Belt area chu zawm zo tura beisei a ni,” tih Moonlight Newspaper, Saiha chuan a tarlang bawk.

Hei hi Mizoram Presbyterian Church in a Hydel project an neih hmasak ber tur pawh a ang hle.

Minu - Hmeichhia Pastor ordination

cafer — Sat, 01 Mar 2008 13:51:46 +0000

SAIHA - Evangelical Church of Maraland (INDIA) General Assembly a agenda pakhat chu Hmeichhia Pastor a lakluh phal nise tih a ni a.

Saiha a newspaper za-awm tak leh chhiarhlawh tak Moonlight chuan he thu hi tarlang in, “Hmeichhia Pastor a lakluh phal nise tih Agenda chu pass beisei a ni,” a ti.

Mizoram Kohran zingah hmeichhiate pastor a ordain hmasa ber a ni mai awm mang e!

ECM Assembly hi Laki khua ah chhunzawm mek zel a ni a, Sunday ah zawhfel a ni ang.

Maraland idol music video hit

cafer — Sat, 01 Mar 2008 13:38:32 +0000

SAIHA - Maraland Idol top 7 ten Music video an siam chu a hit in hmehchhuah zin pawl tak a ni a,hetah hian Pu A.Thazi hla phuah `A tlapata Mapha` tih hla an thun a ni.